“Woo ge diŋ jar maga co’ wo sug wããre Baa, ɗawn wo ɓil ɓaara mo lay!”—Lug 11:28, Wããre Baa.

Ma da’ dage ma cwãy no.—Efes wo 5:28, 29.

Nday mo hay hoo sug ti kẽẽ.—Efes wo 5:33.

Nday mo teŋ nen kããra.—Mark 10:6-9.

Á mbe de el ma hã ɓil, diŋ wer wããre po wo ɓoge:

• Baa diŋ Je laa tiŋ ne naa ti diŋ se. Kefder Baa wãã ga “jar tebeere wo gesiŋ lam ɓuy . . . da’ wo ɗu pããben diŋ see ɓe.” (Efes wo 3:14, 15) Sen Kaŋ nen naa naga laa tiŋ ne wosela ti ɓuy na diŋ Baa. Sen mo ta’ kay naa na kayge la?

  Ko nen ɓo ɗa: hay ga ndo yaŋ de’ nee po de cõõre no, day ndo de sãy ko wer nee sen ti no, ndo wii diŋ jag wosela? Ndo wii diŋ jag wãy ma def nee se no.

  Doo sen no lay so mono, ma da’ ti desãy ɓi feele naa wo mono, na wii diŋ jag Jeova, Jee lag tiŋ ne naa ti no.—Tĩĩgi Were 2:18-24.

• Baa soɗ naa diŋ se. Naa mo kiɗ wer ne wããre Jeova ti feele naa ɓil kefder Baa. Sen de el diŋ wer mayla? “Werga ko el ɓay diŋ se.” (1 Piyer 5:6, 7) Jeova de ko ree ma see naa wo—Day bagge yaŋ ma ɓil kefder ɓen wo tum de ele!—Jag Jõõ wo 3:5, 6; Esayi 48:17, 18.