“Baa ma ciŋ age yaŋ de sir waŋ po maga à ɓlagn ge go ga hase.”—Danyel 2:44, Wããre Baa.

“Weel biŋ we ne naa, Eegre ma wãã ree jar ɓuy joŋ ge do ɓe.”—Esayi 9:5.

• Waŋ mani Baa kay mo maga ndo mo da’ se ɓo.—Esayi 48:17, 18.

• Ɓil sir ma defay maga age wurpo mono, ndo joŋge yaŋ tum nen fruygi bay ceege lay.—Naage Nene 21:3, 4.

A mbe de el, diŋ wer wããre po wo boge:

• Yeso kaŋ nen naa ti fẽẽre maga Twaywaŋ mani Baa joŋ ra ge mono. Yeso had jar ma wer ɓen wo ga a mo tos wo maga Twaywaŋ mo ale day ɗiggi Baa mo bag jag go ti ngel ɓe gesiŋ la. (Matiye 6:9, 10) Yeso kaŋ nen jar ti maga Baa laa tosge sen laage la.

  De maga Yeso hay gesiŋ la mono, A hãã reege ne jar maga hay wo koŋne mono, a pẽẽ jar ceege wo go, a bir jar huli wo go lay! (Matiye 15:29-38; Jaŋ 11:38-44) Yeso ɓo’ nen naa ti fen maga Twaywaŋ ma ni Baa jon ne ge ne jar ma ti tamsir lan wo mono, werga waŋ ɓen na diŋ se.—Naage Nene 11:15.

• Ree ma ti tamsir wo mo deŋ kaŋ wo nen naa ga Twaywaŋ ma ni Baa kos we go. Yeso hay wãã go ti wurpo ga de maga Twaywaŋ mani Baa age mono, durgi joŋge yaŋ, koŋne leɗge yaŋ wo, sir daɗge yaŋ taɗtaɗ.—Matiye 24:3, 7.

  Naa de ko fẽẽre sen wo deŋ de nen naa waara. Wersen naa mo kaŋ nen naa ga Twaywaŋ mani Baa caage wer ree se de ɓlaggen wo mo deŋ go ga’ so.