“Jar ma ti tamsirn la ɓuy ti ɓaara do Je ɓlagge no.”—1 Jaŋ 5:19.

“Weel Baa raw age . . . ma blag joŋre Manhulin go.”—1 Jaŋ 3:8, Wããre Baa.

Naa da’ wer ne re ma ti tamsir ma waran wo.—Naage Nene 12:12.

Naa mo kaŋ ɗiggi naa ga tamsir kol yaŋ go de el ti wurpo.—1 Jaŋ 2:17.

À mbe de el ma hã ɓil, wer wããre po wo swa’a:

• Naw Manhulin go de kosge. Jeova go de bag jag see ɓe ma ca wer Manhuli, waŋ tamsirn go. Baa wãã ga se “ɓlag joŋre Manhulin go,” ga se fer yaŋ kne’ fěěre maga Manhuli ɓlag ra go mo ɓuy lay —Hebre wo 2:14, Wããre Baa.

• Baa hay Yeso ti paale waŋ ma wãã wããre tamsir no. Yeso bay joŋ fěěre ɓen de ɓlagge do Manhuli ne wa. Baa wãã go ti waŋ mani Yeso ga na: “À ko ge decoo jar ma de huglin wo yaŋ de jar coo wo . . . À yãã ge tenen jar coo wo yaŋ go. À coo ge tenen ɓaaran yaŋ le jag bon wo de girgir day ci ɓaara ko ge yaŋ nen ɓe de wore.”—Siŋ Wora 72:13, 14.

• Baa caa gete’ ti boŋ ga. Kefder Baa wãã go pah ga: “Baa kãã ma caa gete’ ga.” (Hebre wo 6:18) Jeova wãã we ga se joŋ mopo no, naa mo ɗig mbe ga fen sen go de joŋge tu! (Esayi 55:10, 11) “À wo yaŋ go nii waŋ jar ma ti tamsir lan gusi.”—Jaŋ 12:31.