Chifukwa Wuli Tikuchemeka Ŵakaboni ŵa Yehova?
Baibolo likuti zina la Chiuta ni Yehova. (Exodus 6:3; Salmo 83:18) Kaboni ni uyo wakuphalira ŵanji vinthu ivyo wakhorwa kuti mbunenesko.
Ntheura, pakuti tikupharazga vya Yehova, uyo ni Mlengi wa vyose, tikumanyikwa na zina lakuti Ŵakaboni ŵa Yehova. (Uvumbuzi 4:11) Tikuchitira ukaboni vya Yehova na nkharo yithu kweniso para tikuphalirako ŵanji ivyo tasambira mu Baibolo.—Yesaya 43:10-12; 1 Petrosi 2:12.
Panji Mungatemwa Kuŵerengaso Nkhani Izi
IVYO ŴANTHU ŴAKUTEMWA KUFUMBA
Kasi Ni Njani Uyo Wakayambiska Gulu la Ŵakaboni ŵa Yehova?
Charles Taze Russell wakayambiska chisopa chinyake yayi. Ŵazgani kuti mumanye chifukwa.
IVYO ŴANTHU ŴAKUTEMWA KUFUMBA
Kasi Ŵakaboni ŵa Yehova Ŵakugomezga Vichi?
Mwakudumura manyani vinthu 15 ivyo tikugomezga.
MAFUMBO AGHO BAIBOLO LIKUZGORA
Kasi Yehova Ni Njani?
Kasi ni Chiuta wa ŵanthu ŵa mtundu umoza pera, nga ni Ŵaisrayeli?
VISAMBIZGO VYAKUZIRWA VYA MU BAIBOLO
Kasi Chiuta Wali na Zina?
Chiuta wali na mazina ghanandi gha udindo, iyo ni Chiuta Wankhongonozose, Mlengi na Fumu. Kweni zina la Chiuta likusangika m’malo ghakukwana 7,000 mu Baibolo.
MANYANI VYA ISE
Mungaluta ku Maungano
Sambirani vyakukhwaskana na maungano ghithu. Sangani maungano kufupi na uko mukukhala.