Kwamba pa August 22 m’paka 28, 2016, Ŵakaboni ŵa Yehova ku Botswana, chinyina cha dayamondi pa charu chose, ŵakalongora usambazi wamtundu unyake pa chiwoneskero cha malonda cha Botswana Consumer Fair. Pa benchi la Ŵakaboni ŵa Yehova ŵakawoneskanga mabuku, webusayiti ya jw.org, kweniso mavidiyo ghakovwira mabanja.

Ŵapapi na ŵana ŵakakondwa chomene na mavidiyo gha Ŵani Ŵabwezi ŵa Yehova, agho ghakusambizga uwemi wakulondezga fundo za mu Baibolo. Mavidiyo agha ghakaŵa gha Chisetswana, chiyowoyero chakumanyikwa chomene ku Botswana. Pakuti mavidiyo agha ghakaŵa ghachoko, ŵanthu ŵakafumbanga umo ŵangasangira ghanyake.

Ŵakaboni ŵa Yehova ŵakapeleka mabuku pafupifupi 10,000 ku ŵalendo awo ŵakafuma mu vigaŵa vyakupambanapambana vya charu ichi. Ŵanthu ŵanyake 120 ŵakapempha kuti ŵasambirenge Baibolo kwaulere. Ŵanthu ŵakazizwa kuwona Ŵakaboni ŵa Yehova ŵa Chingelezi na ŵa Chisetswana ŵakugwilira lumoza ntchito mwakukolerana.

Mamanejara gha chiwoneskero ichi ghati ghendera mabenchi ghose, ghakapeleka njombe ku Ŵakaboni ŵa Yehova kuti ndiwo ŵaluska wose.