JW LIBRARY
Kuchita Dawunilodi Mabaibolo pa iOS
Mungaŵerenga na kusambira Baibolo pa JW Library.
Musi umu muli ivyo mungachita kuti muchite dawunilodi Mabaibolo:
Kuchita Dawunilodi Baibolo
Mungachita dawunilodi Mabaibolo ghanandi agho mungaŵerenga na kusambira kwambura Intaneti.
Lutani pa Bible kuti muwone mabuku gha mu Baibolo.
Dofyani pa Languages kuti muwone Mabaibolo ghose agho ghalipo. Viyowoyero ivyo mukutemwa kugwiliskira ntchito ndivyo vikuŵa pakwambilira. Mungatayipa zina la Baibolo panji zina la chiyowoyero kuti muchisange luŵiro. Mwachiyelezgero mungatayipa “int” kuti musange Baibolo la Chingelezi la Kingdom Interlinear, panji “port” kuti musange Mabaibolo ghose gha Chiphwitikizi.
Mabaibolo agho mundachite dawunilodi ghakuŵa na kabingu. Dofyani pa Baibolo kuti muchite dawunilodi. Para mwamara kuchita dawunilodi Baibolo, kabingu kakufumapo. Dofyani pa Baibolo kuti muŵerenge.
Usange Baibolo ilo mukupenja palije, yezganiso nyengo yinyake. Mabaibolo ghanyake ghazamuŵapo munthazi.
Kudilita Baibolo
Usange Baibolo ilo mukachita dawunilodi mukulikhumbaso yayi panji mukukhumba malo, mungaliwuskamo.
Lutani pa Bible na kudofya pa Languages kuti muwone Mabaibolo agho ghalipo. Dofyani pa tumadontho pa Baibolo ilo mukukhumba kuwuskamo, na kudofya pa Delete.
Kuchita Update Baibolo
Nyengo yinyake muzamuwona kuti Baibolo ilo mukachita dawunilodi likukhumbikwira update.
Baibolo ilo likukhumbikwira update likuŵa na tumivi. Para mwadofya pa Baibolo muwonenge uthenga wakuti mungachita update. Dofyani pa Download kuti muchite update, panji dofyani pa Later kuti mulutilire kuŵerenga ilo muli nalo.
Ivyo talongosora vikamba kugwira ntchito mu mu February 2015 pa JW Library 1.4, iyo yikukora pa tabuleti panji foni ya iOS 6.0 panji zasonosono. Para mukuviwona yayi, wonani pa “Umo Mungachitira na JW Library pa iOS,” pa kamutu kakuti, Kupanga Update JW Library.
