JW LIBRARY
Kuŵika Mabukumaki (Bookmarks) pa Nkhani Iyo Mukuŵerenga pa iOS
Pa JW Library pali nthowa yinyake iyo yingamovwirani kumanya apo mwangulekera kuŵerenga. Mungaŵikapo kachimanyikwiro panji kuti bookmark, nga umo mukuchitira na kachingwe mu Baibolo. Buku lililose ilo lili pa JW Library lili na mabukumaki 10.
Musi umu muli ivyo mungachita kuti muŵike mabukumaki:
Kuŵika Bukumaki
Mungaŵika bukumaki pa nkhani, mutu, ndime panji pa vesi la mu Baibolo.
Kuti muŵike bukumaki pa nkhani panji pa mutu, dofyani pa Bookmark. Pakwiza mabukumaki ghanandi gha buku ilo mwajura. Dofyani pa bukumaki iyo mwakhumba.
Kuti muŵike bukumaki pa ndime panji pa vesi la mu Baibolo, dofyani pa ndime panji pa vesi; ndipo pizenge Bookmark pa nkhani iyo mukuŵerenga.
Kusanga Bukumaki
Kuti musange apo mukaŵika bukumaki, julani buku ilo mukaŵikapo bukumaki; dofyani Bookmark. Mungadofya pa bukumaki iyo mwakhumba.
Umo Mungachitira na Mabukumaki
Mungawuskapo panji kuŵikaposo bukumaki yinyake.
Kuti muwuskepo, dofyani pa Bookmark na kwendeska kamunwe kufuma kumalyero kuluta ku mazere. Dofyani Delete kuti mufufute.
Pa bukumaki mungawuskapo nkhani yakale na kuŵikapo yinyake. Kuti muchite ivi dofyani pa Bookmark na kwendeska kamunwe kufuma kumalyero kuluta ku mazere na kuŵikapo yinyake. Ivi vimovwiraninge para mukuŵerenga mabuku agho mukuŵerenga zuŵa na zuŵa. Mwachiyelezgero, para mukuŵerenga Baibolo musuzgikenge yayi kumanya apo mukalekera.
Ivyo talongosora vikamba kugwira ntchito mu May 2014 pa JW Library 1.2, iyo yikusangika mu iOS 6.0 panji zasonosono. Para mukuviwona yayi pa JW Library 1.2 iyi, chitani ivyo vili mu nkhani yakuti “Umo Mungachitira na JW Library pa iOS,” pa kamutu kakuti Kuchita Update JW Library.
