JW LIBRARY
Kupenja Lizgu mu Baibolo Panji mu Buku pa Windows
Pa JW Library pali nthowa iyo yingamovwirani kusanga lizgu ilo mukukhumba mu Baibolo panji mu buku.
Chitani ivi kuti mupenje mazgu:
Kupenja mu Baibolo
Mu Baibolo ilo mukuŵerenga, mungapenja lizgu ilo mwakhumba.
Para mwajura Baibolo, dofyani pakupenjera, na kutayipa mazgu agho mukukhumba. Para mukutayipa, muwonenge masachizgo gha lizgu ilo mukupenja. Dofyani pa lizgu ilo mukupenja, panji dofyani pakupenjera kuti muwone ivyo mukupenja.
Pa Top Verses pakulongora mavesi agho ghajulikapo kale, agho ghakuyana na ivyo mukupenja. Pa All Verses pakulongora mavesi ghose gha mu Baibolo mu ndondomeko. Pa Articles pakulongora nkhani zakuyanako pa chigaŵa cha: Kasi mu Baibolo muli vichi? na vyakusazgipo.
Para mwatayipa mazgu ghanandi, chongani pa kabokosi ka Match Exact Phrase kuti muwone mazgu ghekha agho mukupenja.
Kupenja mu Buku
Mungapenjaso mazgu agho mwakhumba mu buku ilo mukuŵerenga.
Para mwajura buku, dofyani pakupenjera, na kutayipa mazgu agho mukukhumba. Para mukutayipa, muwonenge masachizgo gha lizgu ilo mukupenja. Dofyani pa sachizgo la lizgu ilo mukupenja, panji dofyani pakupenjera kuti muwone ivyo mukupenja.
Para mwatayipa mazgu ghanandi, chongani pa kabokosi ka Match Exact Phrase kuti muwone mazgu ghekha agho mukupenja.
Kupenja mu Nkhani
Mungapenjaso nkhani mu Insight on the Scriptures para muli kuchita dawunilodi. Mungapenjaso mazgu agho mukukhumba para mukuŵerenga Baibolo panji buku lililose pa JW Library.
Dofyani pakupenjera na kwamba kutayipa mazgu agho mukukhumba. Para mukutayipa, muwonenge masachizgo gha mu Insight on the Scriptures. Dofyani mutu uwo mukukhumba kuti muwone nkhani yose.
Ivi vikamba mu October 2014 pa JW Library 1.3.4, pa tabuleti panji foni ya Windows 8.0 panji zasonosono. Para vinthu ivi mukuviwona yayi, wonani pa “Umo Mungachitira na JW Library pa Windows,” pa kamutu kakuti: Kupanga Update JW Library.
