JW LIBRARY
Kuŵika Mabukumaki (Bookmarks) pa Nkhani Iyo Mukuŵerenga pa Windows
Pa JW Library pali nthowa yinyake iyo yingamovwirani kumanya apo mwangulekera kuŵerenga. Mungaŵikapo kachimanyikwiro panji kuti bookmark, nga umo mukuchitira na kachingwe mu Baibolo. Buku lililose ilo lili pa JW Library lili na mabukumaki 10.
Chitani ivi kuti muŵike mabukumaki:
Kuŵika Bukumaki
Mungaŵika bukumaki pa nkhani, mutu, ndime panji pa vesi la mu Baibolo.
Kuti muŵike bukumaki pa nkhani panji pa mutu, julani App Commands bar, na dofyani pa Bookmark. Pakwiza mabukumaki ghanandi gha buku ilo mwajura. Ndipo dofyani pa bukumaki iyo mwakhumba.
Kuti muŵike bukumaki pa ndime panji pa vesi la mu Baibolo, dofyani pa ndime panji pa vesi, ndipo pizenge mabukumaki. Sankhani bukumaki iyo mwakhumba.
Apo Mukaŵika Bukumaki
Kuti musange apo mukaŵika bukumaki, julani buku ilo mukaŵikapo bukumaki, ndipo julani App Commands, na kudofya Bookmark. Dofyani bukumaki iyo mukukhumba.
Kuwuskapo Panji Kuŵikaso Bukumaki
Mungawuskapo panji kuŵikaso bukumaki yinyake.
Kuti muwuskepo bukumaki, jurani App Commands bar, na kudofya pa Bookmark. Dofyani Tumadontho uto tuli pafupi na bukumaki iyo mukukhumba kudilita. Dofyani Delete.
Julani App Commands bar, na kudofya Bookmark, kuti muwuskepo nkhani yakale na kuŵikapo yinyake. Kuti muchite ivi dofyani pa bookmark na kudofya pa tumadontho ndipo mudofye pa Replace. Ivi vimovwiraninge para mukuŵerenga mabuku agho mukuŵerenga zuŵa na zuŵa. Mwachiyelezgero, para mukukhumba kuŵerenga Baibolo musuzgikenge yayi kumanya apo mukalekera.
Ivi vikamba mu August 2014 pa JW Library 1.3, pa tabuleti panji foni ya Windows 8.0 panji zasonosono. Para vinthu ivi mukuviwona yayi, wonani pa “Umo Mungachitira na JW Library pa Windows,” pa kamutu kakuti, Kupanga Update JW Library.
