Kasi Baibolo Linganovwira Para Nkhufipa Mtima?
Ivyo Baibolo Likuyowoya
Enya, Chiuta ndiyo wangatiwovwira makora chomene. Baibolo likuti “Chiuta . . . wakusanguluska ŵakusokwa.”—2 Ŵakorinte 7:6.
Kasi Chiuta wakovwira wuli awo ŵakufipa mtima?
Wakutipa Nkhongono. Chiuta wakuzgora mapemphero ghithu na kutipa nkhongono kuti tizizipizge. (Ŵafilipi 4:13) Iyo wamupulikaninge. Baibolo likuti: “Yehova wali pafupi na ŵakusweka mu mtima. Wakuponoska awo mzimu wawo wateketeka.” (Salmo 34:18) Nyengo zinyake mungatondeka kulongosora umo mukujipulikira mu mtima, kweni Chiuta wakupulika para mwapempha ndipo wakumovwirani.—Ŵaroma 8:26, 27.
Tingasambirako ku ŵanyithu. Munthu munyake uyo wakalembako Baibolo wakati: “A Yehova, nkhumuchemani kufuma mu ndimba ya maji.” Apo wakafipanga mtima wakapembuzgika. Iyo wakakumbuka kuti Chiuta ngwakunozgeka kutigowokera. Wakati kwa Chiuta: “Muŵenge kuti mukuŵanika maubudi, kasi ni njani wangima? Pakuti imwe mukugowokera zanadi, mwakuti muwopeke.”—Salmo 130:1, 3, 4.
Wakutipa Chigomezgo. Mazuŵa ghano Chiuta wakutipembuzga para tikufipa mtima. Kweniso walayizga kuti wazamuwuskapo masuzgo agho tikufipa nagho mtima. “Vinthu vyakale [nga kufipa mtima] vikumbukikengeso chara. Ndipo vinjirengeso yayi mu mtima.”—Yesaya 65:17.
Manyani kuti: Ŵakaboni ŵa Yehova ŵakumanya kuti Chiuta wakovwira para ukufipa mtima. Kweni usange ŵalwara matenda gha kwenjerwa ŵakuluta ku chipatala kuti ŵakawovwirike. (Mariko 2:17) Iwo ŵakuphalira munthu chakuchita yayi pa nkhani ya munkhwala; munthu wakusankha yekha.
Panji Mungatemwa Kuŵerengaso Nkhani Izi
WUKANI!
Chifukwa Wuli Ŵawukirano Ŵakusuzgika Maghanoghano?
Manyani vimanyikwiro na ivyo vikupangiska kusuzgika maghanoghano. Wonani ivyo ŵapapi na ŵanji ŵangachita kovwira ŵawukirano.
MAFUMBO AGHO BAIBOLO LIKUZGORA
Kasi Baibolo Linganovwira Para Nkhukhumba Kujikoma?
Kasi Baibolo lingawovwira wuli munthu uyo wakukhumba kujikoma?
VISAMBIZGO VYAKUZIRWA VYA MU BAIBOLO
Chifukwa Wuli Chiuta Walekelera Uheni na Suzgo?
Ŵanthu ŵanandi ŵakufumba kuti ‘chifukwa wuli ŵanthu ŵakusuzgika?’ Baibolo lili na zgoro la fumbo ili.
MAVESI GHA MU BAIBOLO GHALONGOSOREKA
Lemba la Salimo 23:4 Lalongosoreka—“Nanga Ndendenge mu Chinkhwawo cha Munkhorwe wa Nyifwa”
Nanga vinthu vingasuzga wuli pa umoyo wawo, kasi Chiuta wakulongora wuli kuti ŵakupwelelera na kuvikilira awo ŵakumusopa?
MANYANI VYA ISE
Pemphani Kuti Musambirenge Baibolo
Dumbiskanani fumbo la mu Baibolo, panji manyani vinandi vyakukhwaskana na Ŵakaboni ŵa Yehova.