“Buku la umoyo,” ilo likumanyikwaso kuti “mupukutu wa umoyo” panji kuti “buku la chikumbusko,” muli mazina gha ŵanthu awo mbakwenelera kuzakapokera chawanangwa cha umoyo wamuyirayira. (Chivumbuzi 3:5; 20:12; Malaki 3:16) Ŵanthu awo mbakupulikira kweniso mbakugomezgeka kwa Chiuta ndiwo mazina ghawo ghakulembeka mu buku la umoyo.—Yohane 3:16; 1 Yohane 5:3.

 Chiuta wakukumbuka ŵateŵeti ŵake ŵakugomezgeka ‘kufuma waka apo charu chikambira.’ (Chivumbuzi 17:8) Abelu wakwenera kuti ni munthu wakwamba kulembeka mu buku la umoyo. (Ŵahebere 11:4) Ivyo Yehova wakuchita pakukumbuka mazina gha ŵanthu ŵakugomezgeka, mbukaboni wakuti ni Chiuta wachitemwa “wakuŵamanya awo mbake.”—2 Timote 2:19; 1 Yohane 4:8.

Kasi mazina ghangasisitika mu “buku la umoyo”?

 Enya. Pakuyowoya vya ŵanthu ŵambura kugomezgeka ŵa mu nyengo ya Ŵaisrayeri, Chiuta wakati: “Waliyose uyo waninangira ndiyo nimusisitenge mu buku lane.” (Ekisodo 32:33) Kweni usange tikulutilira kugomezgeka, mazina ghithu ghasisitikenge yayi mu “mupukutu wa umoyo.”—Chivumbuzi 20:12.