Kasi Ufumu wa Chiuta Uzamuchita Vichi?

JULANI

Ivyo Baibolo likuyowoya

Ufumu wa Chiuta uzamuwuskapo maboma ghose na kwamba kulamulira charu chose chapasi. (Daniel 2:44; Uvumbuzi 16:14) Para ivi vyachitika, uzamuchita ivi:

Uzamuwuskapo ŵanthu ŵaheni. Baibolo likuti: ‘Ŵaheni ŵadumulikenge mu charu, ndipo ŵaryarya ŵazgulikengemo.’—Zintharika 2:22.
Uzamumazga nkhondo. Baibolo likuti: ‘[Chiuta] wakulekeska nkhondo pa charu chose chapasi.’—Salmo 46:9.
Ŵanthu ŵazamukhalanga mwamtende ndiposo mwakuvikilirika. Baibolo likuti: ‘Munthu waliyose wazamukhala musi mwa mpheska yake na musi mwa mkuyu wake, kulije yumoza wazamuŵawofya.’—Mika 4:4.
Charu chapasi chizamuŵa chakutowa. Baibolo likuti: ‘Mapopa na malo gha mayiyi ghazamukondwa, chipalamba chizamusekelera na kuphuka.’—Yesaya 35:1.
Waliyose wazamugwiranga ntchito mwakukondwa. Baibolo likuti: ‘Ŵakusoleka [ŵa Chiuta] ŵazamusekelera swi na milimo ya mawoko ghawo. Ŵazamuteŵeta pawaka chara.’—Yesaya 65:21-23.
Matenda ghazamumara. Baibolo likuti palije uyo wazamuti, ‘Nalwara.’—Yesaya 33:24.
Uchekuru uzamumara. Baibolo likuti: “Munofu wake uŵenge nga ngwa mwana; wawelere ku mazuŵa gha uphya wake.”—Job 33:25.
Ŵakufwa ŵazamuwuka. Baibolo likuti: ‘Wose awo ŵali mu madindi ŵazamupulika lizgu [la Yesu] na kufumira kuwaro.’—Yohane 5:28, 29.

Nkhani Zinyake

Baibolo Ufumu wa Chiuta Masuzgo Mafumbo Agho Baibolo Likuzgora

Panji Mungatemwa Kuŵerengaso Nkhani Izi

MAFUMBO AGHO BAIBOLO LIKUZGORA

Kasi Ufumu wa Chiuta Uzamuchita Vichi Kuti pa Charu Chapasi Paŵe Mtende?

Manyani ivyo boma la Chiuta lizamuchita kuti pa charu chapasi paŵe mtende.

NKHANI ZINYAKE

Chigomezgo Chakuti Kunthazi Vinthu Vizamusintha

Chifukwa wuli ivyo Baibolo likulayizga vikupambana chomene na ivyo ŵanthu ŵakulayizga panji kuyowoyerathu?

VISAMBIZGO VYAKUZIRWA VYA MU BAIBOLO

Kasi Ufumu wa Chiuta Ni Vichi?

Pa uteŵeti wake wa pa charu chapasi, Yesu wakapharazga chomene vya Ufumu wa Chiuta. Kwa vyaka vinandi, ŵalondezgi ŵake ŵalutilira kulomba kuti Ufumu uwu wize.

GONGWE LA MULINDA

Kasi Ufumu wa Chiuta Uzamufiska Vichi?

Yesu wakamanyanga kuti ni Ufumu wa Chiuta pera uwo ungamazga masuzgo pa charu chapasi. Kasi ni vichi ivyo Ufumu wa Chiuta uli kuchita kale ndipo ni vichi ivyo ufiskenge?