KASI VIKAŴAKO VYEKHA?
Membe Izo Zikugadabuka Mwakuzizika Chomene
Waliyose uyo wali kukomapo membe wakumanya umo zikusuzgira. Vili nthena chifukwa membe zikuŵekha luŵiro chomene.
Ŵasayansi ŵali kusanga kuti pali gulu linyake la membe izo zikugadabuka luŵiro chomene nga ni ndege za nkhondo, mu nyengo yambura kukwana sekondi yimoza. Purofesa munyake zina lake Michael Dickinson wakati, “para membe izi zababika waka, zikuŵa kuti ni nkhwantha kale pakugabaduka. Ivi tingaviyelezgera waka na bonda uyo wababika waka, kweni wakumanya kale kwendeska ndege.”
Ŵasayansi ŵakajambura membe izi zikuduka ndipo ŵakasanga kuti zikukupizga mapapindo maulendo 200 pa sekondi yimoza. Kweni para zakupizga kamoza pera, mbwe zikugadabuka nyengo yeneyiyo na kwamba kuchimbira.
Wuli pa nkhani ya kumanya vinthu? Ŵasayansi ŵali kusanga kuti membe izi zikumanya luŵiro chomene vinthu. Dickinson wakuti “membe izi zikumanya luŵiro chomene para kukwiza chilwani, nakuti mu masekondi ghachoko waka zingagadabuka maulendo 50, mbwe nakalinga zamanya kale uko zingachimbilira.”
Ŵasayansi ŵali pa kalikiliki kuti ŵamanye umo wongo wa membe izi, uwo nguchoko chomene, ukugwilira ntchito
Membe yikugadabuka mu kanyengo kachoko waka pakuchimbira chilwani
Kasi mukuti wuli? Kasi membe izi zikachita kusintha kufuma ku vyamoyo vinyake, panji zikachita kulengeka?
Panji Mungatemwa Kuŵerengaso Nkhani Izi
MABUKU
Kasi Vyamoyo Vikachita Kulengeka?
Ivyo mukugomezga pa nkhani yakuti vyamoyo vikachita kulengeka panji vikachita kusintha vili na ntchito.