Salimo 113:1-9
113 Lumbani Ya!*
Pelekani malumbo, imwe ŵateŵeti ŵa Yehova,Lumbani zina la Yehova.
2 Zina la Yehova lilumbikeKwamba sono m’paka muyirayira.+
3 Kwamba kumafumiro gha dazi m’paka kumanjiliro ghake,Zina la Yehova lilumbike.+
4 Yehova wali pachanya pa mitundu yose.+Uchindami wake uli pachanya pa mitambo.+
5 Ni njani uyo wakuyana na Yehova Chiuta withu,+Mweneuyo wakukhala* pachanya?
6 Wakukotama kuti walaŵiske mtambo na charu chapasi,+
7 Wakuwuska wakuyuyuka mu fuvu.
Na kunyamuska mukavu ku vyoto*+
8 Mwakuti wamukhalike pamoza na ŵakuchindikika,Pamoza na ŵakuchindikika ŵa ŵanthu ŵake.
9 Mwanakazi uyo ni chumba wakumupa nyumba,Kuŵa mama wakukondwa wa ŵana ŵake.+
Lumbani Ya!*
Mazgu Ghamusi
^ Panji kuti, “Aleluya.” “Ya” nkhudumura kwa zina lakuti Yehova.
^ Panji kuti, “wali pa chitengo.”
^ Pangayowoyekaso kuti, “ku nkhando.”
^ Panji kuti, “Aleluya.” “Ya” nkhudumura kwa zina lakuti Yehova.
