Salimo 148:1-14
148 Lumbani Ya!*
Lumbani Yehova, imwe mitambo,+Mulumbani, imwe kuchanya nkhanira.
2 Mulumbani, imwe mose ŵangelo ŵake.+Mulumbani, imwe mose mawumba ghake.+
3 Mulumbani, imwe dazi na mwezi.
Mulumbani, imwe mose nyenyezi zakung’anima.+
4 Mulumbani, imwe mitambo yakuchanya nkhanira,Na maji ghapachanya pa mitambo.
5 Vyose vilumbe zina la Yehova,Pakuti wakalangura, ndipo vikalengeka.+
6 Wali kuvikhozga muyirayira swii,+Wali kupeleka dango ilo limarenge yayi.+
7 Lumbani Yehova pa charu chapasi,Imwe vyamoyo vikuru vya mu nyanja na ndimba zose za maji,
8 Imwe ŵaleza na vula yamalibwe, chiwuvi na mabingu gha bii,Imwe chimphepo chikuru, imwe mukuchita mazgu ghake,+
9 Imwe mose mapiri na tumapiri,+Imwe makuni gha vipambi na imwe mose masidara,+
10 Imwe vinyama vyamuthondo+ na vyakuŵeta vyose,Imwe vyakukhwaŵa na viyuni,
11 Imwe mathemba gha charu chapasi na imwe mose ŵamitundu,Imwe ŵakaronga na imwe mose ŵeruzgi ŵa charu chapasi,+
12 Imwe ŵanyamata na ŵamwali,Ŵachekuru na ŵana pamoza.
13 Wose ŵalumbe zina la Yehova,Pakuti zina lake pera ndilo ndapachanya chomene.+
Uchindami wake uli pachanya pa charu chapasi na mtambo.+
14 Wakwezgenge nkhongono za ŵanthu ŵake,*Kuti ŵakugomezgeka ŵake wose ŵalumbike,Ŵana ŵa Israyeli, ŵanthu awo ŵali pafupi na iyo.
Lumbani Ya!*
Mazgu Ghamusi
^ Panji kuti, “Aleluya.” “Ya” nkhudumura kwa zina lakuti Yehova.
^ Mazgu gheneko, “Watumphuskenge sengwe la ŵanthu ŵake.”
^ Panji kuti, “Aleluya.” “Ya” nkhudumura kwa zina lakuti Yehova.
