Salimo 24:1-10
-
Themba lauchindami likunjira pa vipata
-
‘Charu chapasi ntcha Yehova’ (1)
-
Sumu ya Davide.
24 Charu chapasi na vyose ivyo vilimo ni vya Yehova,+Dongo na awo ŵakukhalapo.
2 Wali kuchikhazika sikisiki pa nyanja,+Na kuchikhozga chomene pa milonga.
3 Ni njani wangakwera mu phiri la Yehova,+Ndipo ni njani wangimilira mu malo ghake ghakupatulika?
4 Waliyose uyo mawoko ghake ngambura mulandu na wakutowa mu mtima,+Uyo wandachitepo chilapo chautesi na umoyo Wane,*Nesi kulapa mwaupusikizgi.+
5 Wapokerenge vitumbiko kwa Yehova+Na urunji kufuma kwa Chiuta wake wa chiponosko.+
6 Uwu ni muwiro wa awo ŵakumupenja,Wa awo ŵakupenja chisko chinu, imwe Chiuta wa Yakhobe. (Selah)
7 Yinuskani mitu yinu, imwe vipata,+Julikani,* imwe vijaro vyakale,Kuti Themba lauchindami linjire!+
8 Kasi Themba lauchindami ili ni njani?
Ni Yehova, wakukhora na wankhongono,+Yehova, chinkhara pa nkhondo.+
9 Yinuskani mitu yinu, imwe vipata,+Julikani, imwe vijaro vyakale,Kuti Themba lauchindami linjire!
10 Kasi Themba lauchindami ili ni njani?
Yehova wa mawumba, ndiyo Themba lauchindami.+ (Selah)
