Yesaya 61:1-11
61 Mzimu wa Fumu Yikuru Yehova uli pa ine,+Chifukwa Yehova waniphakazga kuti nipharazge makani ghawemi ku ŵakuzika.+
Wanituma kukaka makora ŵakuphyoka mtima,Kuthuwuska wanangwa wa ŵakukoleka wuzgaNa kujura maso gha ŵakayidi,+
2 Kuthuwuska chaka cha Yehova chakulongolera lusunguNa zuŵa la kuwezgera nduzga la Chiuta withu,+Kusanguluska wose awo ŵakutengera,+
3 Kovwira awo ŵakutengelera Ziyoni,Kuŵapa chakuvwara cha ku mutu m’malo mwa vyoto,Mafuta ghakuzayira m’malo mwa kutengera,Chakuvwara cha malumbo m’malo mwa mzimu wakuphyoka.
Ŵachemekenge makuni ghakuru gha urunji,Ghakupandika na Yehova, kuti iyo wapike uchindami.+
4 Ŵazengengeso mahami ghakale chomene.Ŵawuskenge malo ghakupasuka,+Ŵawezgerengepo misumba yakubwanganduka,+Malo agho ghaŵa ghakupasuka ku muwiro na muwiro.+
5 “Ŵamwendanthowa ŵimilirenge na kuliska miskambo yinu,Ndipo ŵalendo+ ŵaŵenge ŵalimi ŵinu na ŵakupwelelera mpheska zinu.+
6 Kweni imwe muchemekenge ŵasembe* ŵa Yehova.+Iwo ŵamuchemaninge ŵateŵeti ŵa Chiuta withu.
Muryenge vyuma vya ŵamitundu,+Muthumbwenge na uchindami* wawo.
7 M’malo mwa soni muŵenge na vyakupapika,M’malo mwa kulengeskeka ŵasekelerenge na icho ŵapokera.
Ntheura ŵaŵenge na vyakupapika mu charu chawo.+
Ŵasekelerenge muyirayira.+
8 Pakuti ine Yehova, nkhutemwa urunji.+Nkhutinkha kupoka vyaŵene na ubendezi.+
Niŵapenge malipiro ghawo mwakugomezgeka,Ndipo nichitenge nawo phangano lamuyirayira.+
9 Mphapu* yawo yimanyikwenge mu ŵamitundu+Ŵana ŵawo mu ŵanthu.
Wose awo ŵakuŵawona ŵaŵaŵanikenge,Kuti ni mphapu* ya awo Yehova waŵatumbika.”+
10 Nikondwenge chomene mwa Yehova.
Umoyo wane wose usekelerenge mwa Chiuta wane.+
Pakuti wanivwalika malaya gha chiponosko.+Wanibundilizga munjilira wa urunji.Nga ni mwenenthengwa uyo wakuvwara nduŵira nga ni wasembe,+Ndiposo nga ni mwali uyo wakujitozga na vitoweskero.
11 Pakuti nga umo charu chikumezgera ivyo vyaphuka,Nga umo munda ukuphukiskira ivyo vyaseŵekamo,Ndimo Fumu Yikuru YehovaYiphukiskirenge+ urunji+ na malumbo pamaso pa mitundu yose.
Mazgu Ghamusi
^ Panji kuti, “vyuma vyawo.”
^ Mazgu ghanyake, “ŵasofi.”
^ Mazgu gheneko, “Mbuto.”
^ Mazgu gheneko, “mbuto.”
