Yobu 13:1-28
13 “Enya, maso ghane ghawona chose ichi,Khutu lane lapulika na kuchipulikiska.
2 Ivyo mukumanya naneso nkhuvimanya,Nili wapasi yayi kwa imwe.
3 Ine ningatemwa kuyowoya na Wankhongonozose,Nkhudokera kudapira kwa Chiuta pa mulandu wane.+
4 Kweni imwe mukuniphaka mautesi.Mose ndimwe ŵadokotala ŵawakawaka.+
5 Mukhalenge waka chete,Mphanyi mwalongora vinjeru.+
6 Pulikizgani kudapira* kwane,Ndipo tegherezgani kuŵeyelera kwa mulomo wane.
7 Kasi mukuyowoya vyaubendezi m’malo mwa Chiuta,Kasi mukuyowoya mwaupusikizgi m’malo mwa iyo?
8 Kasi muŵenge ku chigaŵa chake,*Kasi mwimirenge mulandu wa Chiuta waunenesko?
9 Kasi vingaŵa makora usange iyo wangamusandani?+
Kasi mungamupusika nga umo mungapusikira munthu?
10 Iyo wamuchenyaninge nadiPara mungayezga kutemwera mwachibisibisi.+
11 Kasi uchindami wake ungamutenthemeskani yayi,Ndipo kasi wofi ungamuwirani yayi chifukwa cha iyo?
12 Mazgu ghinu ghavinjeru ni ntharika zavyoto,Fundo zinu za kujivikilira ni zambura nkhongono nga vivikiliro vyadongo.
13 Khalani chete pamaso pane kuti niyowoye.
Ndipo icho chikukhumba kuniwira, chiniwire!
14 Kasi nkhujiŵikirachi pangozi*Na kuyegha umoyo wane mu mawoko?
15 Nanga wanganikoma, nilindilirenge nipera,+Nisuskanenge* nayo pamaso pake.
16 Mbwenu waŵenge chiponosko chane,+Chifukwa munthu wambura kopa Chiuta* wangizapo yayi pamaso pake.+
17 Tegherezgani chomene mazgu ghane.Pulikizgani ivyo nkhuyowoya.
18 Wonani sono, niza na mulandu wane,Nkhumanya kuti nindabude.
19 Ni njani wasuskanenge nane?
Ningafwa para ningakhala waka chete!*
20 A Chiuta, nipani vinthu viŵiri pera,*Mwakuti nileke kujibisa pamaso pinu.
21 Wuskanipo pa ine woko linu lizito na kuliŵika kutali,Ndipo nileke kutenthema namwe chifukwa cha kumopani.+
22 Municheme ndipo nizgorenge,Panji munizomerezge kuti niyowoye ndipo imwe munizgore.
23 Kasi mphuvya zane na zakwananga zane ni vichi?
Nimanyiskani ubudi wane na kwananga kwane.
24 Chifukwa wuli mukubisa chisko chinu+Na kuniwona kuŵa mulwani winu?+
25 Kasi muyezgenge kofya hamba lakuputa na mphepo,Panji kuskera utheka wakomira?
26 Pakuti mukulutilira kulemba na kusunga vinthu vyakuŵaŵa kwimikana nane,Ndipo mukunilanga chifukwa cha zakwananga izo nkhachita pa uwukirano.
27 Mwaŵika malundi ghane mu magwedi,Mukulaŵisiska mendero ghane ghose,Ndipo mukumanya palipose apo malundi ghane ghakukanda.
28 Ntheura munthu* wakunyakatika nga ntchinthu chakuvunda,Nga ni laya ilo laryeka na chimehe.*
Mazgu Ghamusi
^ Panji kuti, “fundo yakususkana namwe.”
^ Panji kuti, “mutemwerenge iyo.”
^ Mazgu gheneko, “Chifukwa wuli nkhuyegha thupi lane mu mino ghane?”
^ Panji kuti, “Nijidapizgenge pamaso pake.”
^ Panji kuti, “munthu wakugaluka.”
^ Pangayowoyekaso kuti, “Usange munthu wangasuskana nane, nikhalenge chete na kufwa.”
^ Mazgu gheneko, “vinthu viŵiri pera, munganichitiranga chara.”
^ Mazgu gheneko, “iyo,” panyake kung’anamura Yobu.
^ Mazgu ghanyake, “chulu; mutasi.”
