Yobu 30:1-31
30 “Ŵanthu awo mbana kwa ine,+Sono ŵakuniseka,Awo awiskewo mphanyi nkhakanaKuŵaŵika pamoza na ntcheŵe zakulinda mskambo wane.
2 Kasi nkhongono za mawoko ghawo zikaŵa na ntchito wuli kwa ine?
Nkhongono zawo zamara.
3 Ŵakhala viwangwa pera chifukwa cha kusoŵerwa kweniso njara,Ŵakumemena charu chakomira,Icho chili kunangika kale na kuparanyika.
4 Ŵakuwunjika vivwati vyamchere vyamuthondo,Chakurya chawo ni msisi wa makuni gha msankhanya.
5 Ŵakuchimbizgika mu chikaya,+Ŵanthu ŵakuŵahoya nga ni munkhungu.
6 Ŵakukhala mu vinkhwawu vyakupondomoka chomene,Mu makululu pasi na mu majalawe.
7 Ŵakukolomoka mu vivwatiNdipo ŵakudukumara pamoza pakati pa nkhunga.
8 Nga mbana ŵa vindere na ŵanthu ŵambura mazina,Ŵachimbizgika* mu charu.
9 Kweni sono ŵakunigoska nanga ni mu sumu zawo,+Nazgoka chakuhoyeka kwa iwo.+
10 Ŵakuseluka nane ndipo ŵakukhala patali na ine.+Ŵakukaŵa yayi kunifunyira mata kumaso.+
11 Chifukwa chakuti Chiuta wanipoka vilwero* na kuniyuyura,Ŵakunichitira viheni kwambura kukolako.*
12 Ku woko lane lamalyero ŵakuwuka nga ni wumba wa chivulupi.Ŵakuniskera,Na kuŵika vyakujandizga vyakupweteka mu nthowa yane.
13 Ŵananga nthowa zane,Na kusazgirako soka lane,+Kwambura munthu wakuŵakanizga.*
14 Ŵakwiza nga ŵapolota pa mwanya* usani wa pa chiwumba.Ŵakukunkhura mukati mu pharanyiko.
15 Vyakofya vyanihangayiska,Ntchindi zane zachimbizgika nga ni mphepo,Ndipo chiponosko chane chamara nga ni bingu.
16 Sono umoyo wane ukukamuka mwa ine,+Mazuŵa gha suzgo+ ghanikora.
17 Nausiku viwangwa vyane vikumwantha,*+Ulwilwi wakumemena ukuleka chara.+
18 Chakuvwara chane chanangika na nkhongono yikuru.*Chikunifyenya ku singo nga ni kolara wa chakuvwara chane.
19 Chiuta waniponya mu mathakalimbwa,Nazgoka fuvu na vyoto.
20 Nkhulilira kwa imwe kuti munovwire, kweni mukunizgora chara.+Nkhwimilira, kweni mukunilaŵiska waka.
21 Mwazgoka wankhaza kwa ine.+Mukunitimba na woko linu lankhongono chomene.
22 Mukunikwezgera muchanya na kuniyegha na mphepo.Ndipo mukuniputiska uku na uku na chimphepo.*
23 Pakuti nkhumanya kuti munitolerenge ku nyifwa,Ku nyumba iyo ŵamoyo wose ŵamukumana.
24 Kweni palije uyo wangatimba munthu wakuphyoka,+Apo wakulira kuti wawovwirike pa nyengo ya soka.
25 Kasi nkhaŵaliliranga chara awo ŵakaŵa mu suzgo?
Kasi ŵakavu nkhaŵachitiranga chitima chara?+
26 Nangauli nkhalindiliranga viwemi, kweni kukiza viheni.Nkhakhazganga ungweru, kweni kukiza mdima.
27 Kubwata mukati mwane kukaleka chara.Mazuŵa gha suzgo ghakimikana nane.
28 Nkhwenda wachitima,+ kulije ungweru.
Mu ungano, nkhuwuka na kulilira wovwiri.
29 Nazgoka mubali wa ŵakambwe,Ndipo ŵana ŵasungwana ŵa nthiŵatiŵa ndiwo mbanyane.+
30 Thupi lane labinkha bii na kuyoyoka.+Viwangwa vyane vikotcha na chithukivu.
31 Bango wane wazgoka waka wakutengelera,Ndipo toliro wane wazgoka waka wakulilira.
Mazgu Ghamusi
^ Mazgu gheneko, “Ŵathyapulika.”
^ Mazgu gheneko, “wasutura lukuzi panji mguluzi wa uta wane.”
^ Panji kuti, “Ŵakutaya vyakukolera vyose.”
^ Pangayowoyekaso kuti, “Kwambura munthu wakuŵawovwira.”
^ Mazgu ghanyake, “mweta.”
^ Mazgu gheneko, “viwangwa vyane vikudoloreka.”
^ Pangayowoyekaso kuti, “Ukuru wa suzgo yane ukunanga chisko chane.”
^ Pangayowoyekaso kuti, “mukunitekenyura na kunisongonora.”
