CHIFUKWA WULI NTCHAKUZIRWA? Yehova ndiyo wakuchitiska kuti mbuto za unenesko zikure mu mitima ya ŵanthu awo wali na “maghanoghano ghakwenelera umoyo wamuyirayira.” (Mil 13:48; 1Ko 3:7) Tikugwira ntchito pamoza na Chiuta para tikuŵikapo mtima kuti tovwire awo ŵakulondezga ivyo ŵakusambira. (1Ko 9:26) Awo tikusambira nawo Baibolo, ŵakwenera kumanya kuti munthu wakwenera kubatizika kuti wazakapone. (1Pe 3:21) Tikovwira awo tikusambira nawo Baibolo kuti ŵaŵe ŵasambiri para tikuŵasambizga kuti ŵalondezgenge ivyo ŵakusambira, ŵapharazgenge na kusambizga, kweniso kuŵawovwira kuti ŵajipeleke kwa Yehova.—Mt 28:19, 20.

UMO TINGACHITIRA:

• Ŵakumbuskani awo mukusambira nawo Baibolo kuti chilato cha sambiro ntchakuti ‘ŵamumanye’ makora Yehova na kuchita ivyo vingamukondweska.—Yoh 17:3

• Ŵawovwirani ŵasambiri ŵinu kuti ŵaleke nkharo ziheni kweniso kuti ŵaleke kwenda na ŵanthu ŵaheni. Ivi vingaŵawovwira kuti ŵakure mwauzimu

• Lutilirani kuŵakhozga na kuŵakhwimiska nanga ŵangaŵa kuti ŵabatizika.—Mil 14:22

WONELERANI VIDIYO YA MUTU WAKUTI YEHOVA WAMOVWIRANINGE, NDIPO PAMANYUMA ZGORANI MAFUMBO GHAKULONDEZGAPO AGHA:

• Kasi ŵanthu ŵanyake ŵakopa vichi kuti ŵajipeleke na kubatizika?

• Kasi ŵalara ŵangawovwira wuli ŵasambiri ŵa Baibolo kuti ŵakurenge mwauzimu?

• Kasi lemba la Yesaya 41:10 likutisambizga vichi za Yehova?

• Kasi ni vichi vingatovwira kuti titeŵetere makora Yehova nangauli ndise ŵakwananga?