Paulosi na Sila ŵakalumbanga Yehova mwa kwimba sumu apo ŵakaŵa mu jele. (Mil 16:25) Tikukayika yayi kuti sumu izo ŵakimbanga zikaŵawowira kuti ŵazizipizge. Ise ke mazuŵa ghano? Sumu izo tikwimba pa maungano na sumu zithu zinyake zikutikhozga kweniso zikutovwira kuti tilutilire kugomezgeka para tasangana na viyezgo. Kweni kuluska vyose, sumu izi zikulumba Yehova. (Sa 28:7) Gulu likutichiska kuti ntchiwemi kusungilirako pamtima sumu zithu zinyake. Kasi muli kuyezgapo kuchita nthena? Pa nyengo yakusopera ya mbumba mungategherezga sumu izi na kusambira umo zikwimbikira.

WONELERANI VIDIYO YA MUTU WAKUTI MWAŴANA, YIMBIRANI YEHOVA, NDIPO PAMANYUMA ZGORANI MAFUMBO GHAKULONDEZGAPO AGHA:

• Kasi pali uwemi wuli para tikwimba sumu za Ufumu?

• Kasi Dipatimenti yakujambura Sumu na Mavidiyo yikunozgekera wuli?

• Kasi ŵana na ŵa mu mbumba ya kwawo ŵakunozgekera wuli pambere ŵandajambure sumu?

• Kasi ni sumu wuli izo mukutemwa, ndipo chifukwa wuli?