CHIFUKWA WULI NTCHAKUZIRWA? Msambizgi withu Mukuru, Yehova, wakutipa masambiro gha pachanya chomene. Wakutisambizga ivyo tingachita kuti tiŵe na umoyo uwemi sono kweniso munthazi. Masambiro ghose agha, ngaulere. (Yes 11:6-9; 30:20, 21; Chiv 22:17) Yehova wakutisambizgaso umo tingapharazgira makani ghawemi agho ghakuponoska umoyo.—2Ko 3:5.

UMO TINGACHITIRA:

• Tikwenera kuŵa ŵakujiyuyura kweniso ŵakuzika.—Sa 25:8, 9

• Chitani mwamahara na mwaŵi uwo muli nawo pasono wakusambizgika na Yehova. Nthowa yimoza ndiyo kuzomera kuyowoya nkhani pa maungano gha mukati mwasabata

• Ghanaghanirani ivyo mungachita kuti muteŵetere Yehova mwakukwana.—Fil 3:13

• Sinthani vinthu vinyake na kujipeleka kuti muŵe ŵakwenelera kuchitako mauteŵeti ghanyake.—Fil 3:8

WONELERANI VIDIYO YA MUTU WAKUTI TIKUTUMBIKIKA PARA TASAMBIZGIKA NA YEHOVA, NDIPO PAMANYUMA ZGORANI MAFUMBO GHAKULONDEZGAPO AGHA:

• Kasi ni masuzgo wuli agho ŵapharazgi ŵanyake ŵakatonda kuti ŵakasambireko Sukulu ya Ŵapharazgi ŵa Ufumu?

• Kasi awo ŵasambirako Sukulu ya Ŵapharazgi ŵa Ufumu ŵakupindura wuli?

• Kasi ŵabali na ŵadumbu mu mpingo ŵakaŵawovwira wuli awo ŵakafuma ku Sukulu ya Ŵapharazgi ŵa Ufumu ŵati ŵiza mu mpingo wawo?

• Kasi ni vinthu wuli ivyo vikukhumbikwa kuti munthu wakasambireko Sukulu ya Ŵapharazgi ŵa Ufumu? (kr 189)

• Kasi ni masambiro wuli ghanyake agho mungasambirako mu gulu la Yehova?