Kusezga munthu kukovwira kuti mpingo uŵe utuŵa, kweniso kukovwira wakwananga kuti wajinyumwe. (1Ko 5:6, 11) Para tikukhozgera chilango chakufuma kwa Yehova, tikulongora chitemwa. Kasi fundo iyi yingaŵa wuli yaunenesko apo para munthu wasezgeka ŵanthu ŵanandi ŵakudandawura, kusazgapo ŵabali ŵake kweniso komiti ya cheruzgo?

Kuluska vyose, tikulongora kuti tikutemwa chomene Yehova na fundo zake zituŵa. (1Pe 1:14-16) Tikulongoraso kuti tikumutemwa uyo wasezgeka. Nangauli chilango chikuŵa chakuŵinya, kweni chikubaba “chipambi cha mtende, uwo mburunji.” (Heb 12:5, 6, 11) Para tikuchezga na ŵakusezgeka, panji awo ŵali kujilekaniska na gulu, tikulongora kuti tikuyuyura chilango cha Yehova. Kumbukani kuti Yehova wakulanga ŵanthu ŵake “mwakwenelera.” (Yer 30:11) Tikugomezga kuti ŵanthu aŵa ŵawelerenge kwa Dada withu wachitemwa. Ndipouli, apo tikulindilira kuti ŵanthu aŵa ŵawelere, tikwenera kulutilira kukhozgera ndondomeko iyo Yehova wakupelekera chilango kweniso kulutilira kuchita vinthu vyauzimu.—Yes 1:16-18; 55:7.

WONELERANI VIDIYO YA MUTU WAKUTI LUTILIRANI KUGOMEZGEKA NA MTIMA WOSE, NA KUZGORA MAFUMBO GHAKULONDEZGAPO AGHA:

• Kasi ŵapapi awo Mbakhristu ŵakujipulika wuli para mwana wawo waleka kuteŵetera Yehova?

• Kasi mpingo ungawovwira wuli ŵanthu ŵakugomezgeka ŵa mu banja ilo?

• Kasi ni nkhani wuli ya mu Baibolo iyo yikulongora kuti kugomezgeka kwa Yehova nkhwakuzirwa chomene kuluska ku ŵamumbumba yithu?

• Kasi tikulongora wuli kuti kugomezgeka kwa Yehova nkhwakuzirwa chomene kuluska ku ŵamumbumba yithu?