UMOYO WACHIKHRISTU
Gwiliskirani Ntchito Mwaluso Ivyo Tikusambizgira Ŵanthu Baibolo
Mulimo wakuzgora ŵanthu kuŵa ŵasambiri ukuyana waka na kuzenga nyumba. Kuti tizenge nyumba yakukhora, tikwenera kuvimanya makora ivyo tizengelenge. Mwakuyana waka, tikwenera kusazgirako luso pakugwiliskira ntchito Mazgu gha Chiuta, agho ntchilwero chakuzirwa chomene. (2Ti 2:15) Tikweneraso kugwiliskira ntchito mwaluso mabuku na mavidiyo agho ghali mu gulu la Ivyo Tikusambizgira Ŵanthu Baibolo kuti tizgore ŵanthu kuŵa ŵasambiri. *
Kasi mungachita wuli kuti musazgireko luso la umo mungagwiliskira ntchito Ivyo Tikusambizgira Ŵanthu Baibolo? (1) Pemphani mulaŵiliri wa kagulu kinu kuti wamovwirani, (2) mupharazgirenge lumoza na mupharazgi waluso panji mupayiniya (3) yezgelerani umo mwamupharazgira. Para mungagwiliskira ntchito mwaluso mabuku na mavidiyo ghithu, muzamukondwa chomene na mulimo wakuzgora ŵanthu kuŵa ŵasambiri uwo ukuchitika sono.
MAGAZINI
MABUROSHA
MABUKU
MATHIRAKITI
MAVIDIYO
TUMAPERA TWAKUCHEMERA ŴANTHU KU VYAKUCHITIKA VYAPADERA
MAKADI
^ ndime 3 Mabuku ghachoko waka agho tikusambizgira ŵanthu Baibolo yayi, ghali kulembekera ŵanthu ŵanyake. Mungagwiliskira ntchito mabuku agha para mwawona kuti ntchakwenelera.
