Chilengiwa chikupharazga uchindami wa Yehova. (Sa 19:1-4; 139:14) Kweni charu cha Satana chikuyuyura Yehova chifukwa chikusambizga kuti vyamoyo vikaŵako vyekha. (Ro 1:18-25) Kasi mungachita wuli kuti chisambizgo ichi chileke kukhazikika mu ŵana winu? Ŵawovwirani apo ŵachali ŵachoko kumanya kuti Yehova waliko ndipo wakuŵapwelelera. (2Ko 10:4, 5; Efe 6:16) Ŵawovwirani kuti ŵaleke kugomezga ivyo ŵakusambira ku sukulu vyakuti vinthu vikaŵako vyekha. Ndipo gwiliskirani ntchito vinthu ivyo gulu lafumiska kuti ŵapulikiske.—Zi 20:5; Yak 1:19.

WONELERANI VIDIYO YAKUTI IVYO ŴANYINU ŴAKUYOWOYA—CHIFUKWA WULI UKWENERA KUGOMEZGA KUTI CHIUTA WALIKO? NA KUZGORA MAFUMBO AGHA:

• Kasi ŵanthu ŵanandi ŵakuti wuli pa nkhani yakugomezga Chiuta?

• Kasi ku sukulu mukusambira vichi?

• Kasi ntchivichi chikumukhorweskani kuti Yehova waliko?

• Kasi mungawovwira wuli munthu kuti wagomezge kuti Chiuta ndiyo wakalenga vinthu vyose?