Yesu wakati: “Mukapokera kwawanangwa, pelekani kwawanangwa.” (Mt 10:8) Tikulondezga ulongozgi uwu, lekani tikutchaja ndalama yayi para tikugaŵira mabuku ghithu. (2Ko 2:17) Ndipouli mu mabuku ghithu muli unenesko wakuzirwa chomene wakufuma mu mazgu gha Chiuta. Kuti tipokere mabuku agha, pakuŵa ntchito yikuru chomene kweniso pakunjira ndalama zinandi. Ntheura tikwenera yayi kutora ghanandi kuluska agho tingakwaniska kugaŵira.

Vinjeru ni vyakukhumbikwa para tikugaŵira mabuku mu uteŵeti. (Mt 7:6) M’malo mwa kugaŵira waka waliyose, ntchiwemi kudumbiskana nayo dankha munthu kuti mumanye usange ngwakunweka. Pa mafumbo agho ghali pa bokosi, kasi mungazgora kuti enya pa fumbo limoza panji ghaŵiri? Usange mundamanye makora usange munthu ngwakunweka, chingaŵa chiwemi kumupa thirakiti. Kweni usange wapempha magazini panji buku linyake, tingamupa.—Zinth 3:27, 28.