CHIFUKWA WULI NTCHAKUZIRWA?: Para “maghanoghano mu mtima wa munthu ghali nga ni maji ghakunyang’amira,” ipo mafumbo ghali nga ntchiŵiya chakughatekera. (Zi 20:5) Mafumbo ghakovwira kuti paŵe chidumbirano. Mazgoro gha mafumbo agho ghafumbika makora ghangawovwira kumanya vinthu vinyake vyakuzirwa. Yesu wakafumbanga mafumbo mwaluso. Kasi tingamuyezga wuli?

UMO TINGACHITIRA:

• Fumbani mafumbo agho ghakupangiska munthu kulongosora maghanoghano ghake. Kanandi Yesu wakafumbanga ŵasambiri ŵake kuti wamanye ivyo ŵakaghanaghananga. (Mt 16:13-16; be 238 ¶3-5) Kasi ni mafumbo wuli agho imwe mungafumba?

• Fumbani mafumbo agho ghangawovwira munthu kufika pa fundo. Kuti wanyololere maghanoghano gha Petrosi, Yesu wakamufumba mafumbo agho ghakamovwira kuti wawemo. (Mt 17:24-26) Kasi ni mafumbo wuli agho imwe mungafumba?

• Muwongani. Mulembi wati “wazgora mwamahara,” Yesu wakamuwonga. (Mrk 12:34) Kasi mungamuwonga wuli munthu uyo wazgora makora?

WONELERANI CHIGAŴA CHAKWAMBA CHA VIDIYO YAMUTU WAKUTI CHITANI MULIMO UWO YESU WAKACHITA—SAMBIZGANI, NDIPO PAMANYUMA ZGORANI MAFUMBO AGHA:

• Chifukwa wuli mubali uyu wandasambizge mwaluso nangauli ivyo wayowoya ni vyaunenesko?

• Chifukwa wuli tikwenera kuchita vinandi padera pakulongosora waka?

WONELERANI CHIGAŴA CHACHIŴIRI CHA VIDIYO, NDIPO PAMANYUMA ZGORANI MAFUMBO AGHA:

• Kasi mubali ŵangufumba wuli mafumbo mwaluso?

• Kasi ni nthowa wuli zinyake izo mubali uyu wachita izo nase tingazilondezga?