MAZGU GHA CHIUTA MBUSAMBAZI | MATEYU 18-19
Muŵe Maso Kuti Muleke Kujikhuŵazga Kweniso Kukhuŵazga Ŵanyinu
Yesu wakayowoya ntharika kuti wadidimizge za uheni wakujikhuŵazga panji kukhuŵazga ŵanyithu.
-
“Chikhuŵazgo” chikung’anamura vinthu ivyo vingachitiska munthu kuchita vinthu vyambura kwenelera, kukhuŵara, panji kuchita kwananga
-
Munthu uyo wakukhuŵazga ŵanyake chingaŵa makora kuti libwe lakusilira likakike musingo yake na kumuponya mu nyanja
Malibwe ghakusilira
-
Yesu wakaphalira ŵasambiri ŵake kuti ŵadumureko vinthu vinyake vyakuzirwa nga ni woko na jiso para vikuŵakhuŵazga
-
Chingaŵa makora kuŵavya vinthu ivyo tikuvitemwa na kunjira mu Ufumu wa Chiuta kuluska kuŵa navyo na kumalira ku Gehena, ilo ni pharanyiko lamuyirayira
Kasi ntchivichi chingaŵa chikhuŵazgo kwa ine, ndipo ningachita wuli kuti nileke kujikhuŵazga kweniso kukhuŵazga ŵanji?
