5:8, 18, 21

Chawanangwa cha sembe yakuwombora icho Yehova wali kupeleka chikutovwira kuti tituŵiske zina lake na kulongora kuti ndiyo ngwakwenelera kuwusa. Chawanangwa ichi chikutovwiraso kuti tiŵe paubwezi na Yehova, kweniso kuti awo ŵakumupulikira ŵaŵe na chigomezgo cha kuzakakhala na umoyo uwemi munthazi.

Kasi tingalongora wuli kuti tikuwonga chawanangwa ichi?

• Para tajipeleka na kubatizika tikulongora kuti tili na chipulikano mu sembe iyi kweniso kuti tikukhumba kuŵa paubwezi na Yehova

• Para tikupharazga makani ghawemi gha Ufumu wa Chiuta tikulongora kuti tikuyezga Yehova pa nkhani ya kutemwa ŵanthu wose.—Mt 22:39; Yoh 3:16

Kasi ni nthowa wuli zinyake izo ine ningalongolera kuti nkhuwonga chawanangwa cha sembe yakuwombora?