Kasi mwalindilira Ufumu wa Chiuta nyengo yitali wuli? Kasi mukuzizipizga apo mukulindilira nangauli mukukumana na masuzgo? (Ro 8:25) Ŵakhristu ŵanyake ŵakutinkhika, kutambuzgika, kujalirika mu jele, panji kuwofyeka kuti ŵakomekenge. Ŵanyake ŵakuzizipizga masuzgo nga matenda ghambura kukonda munkhwala panji uchekuru.

Kasi ntchivichi chingatovwira kuti tilindilirenge mwakunweka nangauli tingasangana na masuzgo? Zuŵa lililose tikwenera kuŵazga Baibolo na kughanaghanirapo kuti tikhozge chipulikano chithu. Tikwenera kuŵika maghanoghano pa chigomezgo chithu. (2Ko 4:16-18; Heb 12:2) Tiŵeyelerenge Yehova mu lurombo na kumupempha kuti watipe nkhongono ya mzimu utuŵa. (Lu 11:10, 13; Heb 5:7) Adada ŵithu ŵachitemwa ŵangatovwira kuti ‘tizizipizge vinthu vyose ndiposo kuti tizikire na kuŵa na chimwemwe.’—Kol 1:11.

WONELERANI VIDIYO YAKUTI TIKWENERA ‘KUZIZIPIZGA PAKUCHIMBIRA’—GOMEZGANI KUTI MUZAMUPOKERA NJOMBE, NDIPO PAMASINDA ZGORANI MAFUMBO GHAKULONDEZGAPO AGHA:

• Kasi ni ‘vyakuchitika wuli vyamabuchi’ ivyo vingatiwira? (Mu 9:11)

• Kasi lurombo lukutovwira wuli para takumana na viyezgo?

• Para tikuchitaso vinandi yayi pakuteŵetera Yehova nga umo tikachitiranga pakwamba, chifukwa wuli tikwenera kuchita waka ivyo tingafiska?

• Ntchivichi chikumovwirani kuti muŵe na chigomezgo kuti muzamusanga njombe?