Tikukhumba kuthilira mbuto yaunenesko iyo tapanda. (1Ko 3:6) Para tasanga munthu uyo wakukhumba kumanya vinandi, ntchiwemi kumufumba fumbo lakuti tizakazgore para tizaso. Para tamufumba, chikuŵa chipusu kwizaso chifukwa nkhani iyo tizamudumbiskana tikuyimanya kale. Para tawelerako, tingamuphalira kuti tiza kuti tizgore fumbo ilo tikamufumbani.

• Para mukunozgekera upharazgi wakunyumba na nyumba, mukweneraso kunozgekera fumbo lakuti mukazgore ulendo wakulondezgapo. Nyengo zinyake fumbo lingafuma mu magazini iyo mwamugaŵira. Panji lingafuma mu buku ilo mwangunozgekera kuti mukadumbiskane nayo para mwaluta.

• Paumaliro, mungamupempha kuti mukizeso mwakuti muzakadumbiskane fumbo ilo mwamufumba. Mungatora adiresi yake panji nambara ya foni kuyana na umo vinthu viliri.

• Ntchiwemi kuwelerako para mukapangana na munthu kuti mwamuweraso, ndipo mukwenera kuluta pa nyengo iyo mukapangana.—Mt 5:37.