MAZGU GHA CHIUTA MBUSAMBAZI | MATEYU 1-3
“Ufumu Wakuchanya Waneng’enera”
-
Vyakuvwara vya Yohane vikalongoranga kuti wakakhalanga umoyo wambura kukhumba vinandi. Iyo wakajipeleka kuchita khumbo la Chiuta
-
Uteŵeti uwo Yohane wakachita wakunozgera Yesu nthowa ukaŵa wakuzirwa chomene
Umoyo wambura kukhumba vinandi ukutovwira kuti tichite vinandi pakuteŵetera Chiuta ndipo tikuŵa ŵakukondwa. Tingakhala umoyo wambura kukhumba vinandi para . . .
-
tamanya ivyo ni vyakuzirwa chomene
-
tikuchepeska kugura vyambura kukhumbikwa
-
tikupanga bajeti
-
tingachepeska vinthu ivyo tili navyo
-
tawezga ngongoli
-
tikuleka kutangwanika chomene na ntchito
Yohane wakaryanga zombe na uchi
Kasi umoyo wambura kukhumba vinandi unganovwira kuti nifiske vilato wuli?
