Machaputara 8 na 9 gha buku la Mateyu ghakulongosora za upharazgi wa Yesu mu chigaŵa cha Galileya. Pakuchizga ŵanthu, Yesu wakalongora kuti wali nkhongono, kweni chakuzirwa chomene wakalongoranga kuti wali na chitemwa kweniso lusungu.

1. Yesu wakachizga wavyoni.—Mt 8:1-3

2. Yesu wakachizga muteŵeti wa mulara wa ŵasilikari.—Mt 8:5-13

   Wakachizga nyinavyara wa Petrosi.—Mt 8:14, 15

   Wakafumiskanga viŵanda na kuchizga awo ŵakalwaranga.—Mt 8:16, 17

3. Yesu wakafumiska viŵanda vyakofya na kuvituma kuti vikanjire mu mskambo wa nkhumba.—Mt 8:28-32

4. Yesu wakachizga munthu wakufwa viŵaro.—Mt 9:1-8

   Wakachizga mwanakazi uyo wakakhwaska waka chakuvwara chake, ndipo wakawuskaso mwana msungwana wa Yayiro.—Mt 9:18-26

   Wakachizga munthu wachibulumutira na wambuwu.—Mt 9:27-34

5. Yesu wakendanga mu misumba na mizi ndipo wakachizganga mtundu uliwose wa nthenda na mtundu uliwose wa vyakuŵinya.—Mt 9:35, 36

Kasi ningalongora wuli chitemwa na lusungu ku awo nkhukhala nawo pafupi?