Yehova wakatora Ŵalevi kufuma mu Ŵaisrayeli mu malo mwa ŵana ŵakwamba kubabika ŵa Ŵaisrayeli (Maŵ 3:11-13; it-2-E 683 ¶3)

Ŵalevi ŵakakondwanga na milimo yapadera iyo ŵakachitanga (Maŵ 3:25, 26, 31, 36, 37; it-2-E 241)

Ŵalevi ŵakachitanga milimo yawo yose para ŵafika vyaka pakati pa 30 na 50 (Maŵ 4:46-48; it-2-E 241)

Ŵana ŵanalume ŵa mzere wa Aroni ndiwo ŵakaŵanga ŵasembe, ndipo Ŵalevi ŵanyawo wose ŵakaŵawovwiranga. Mwakuyana waka, mu mpingo Wachikhristu mazuŵa ghano, ŵanalume ŵanyake ndiwo ŵakwimikika kuti ŵapwelelere milimo yikuruyikuru, apo ŵanyake ŵakovwira pa milimo yinyake.