Nga umo Yehova wakawovwilira Ŵaisrayeli kale, ndimo wakovwiliraso ŵanthu ŵake mazuŵa ghano kuti ŵafiske mulimo uwo waŵapa. Pa charu chose, maofesi gha munthavi, madera, mipingo, kweniso magulu gha uteŵeti, ŵakuchita vinthu mwakukolerana kuti makani ghawemi ghalutilire kupharazgika. Ndipo tikupharazgira waliyose na awo ŵakuyowoya chiyowoyero chinyake wuwo.—Chiv 14:6, 7.

Kasi muli kughanaghanirapo vya kusambira chiyowoyero chinyake kuti movwire ŵanji kusambira unenesko? Nanga mungaŵa kuti mulije nyengo yakukwana yakusambilira chiyowoyero chinyake, kweni mungagwiliskira ntchito JW Language app kuti musambire masachizgo ghapusu gha umo mungapharazgira. Para mwayezga kugwiliskira ntchito, mungazakakondwa nga umo ŵakakondwera Ŵakhristu ŵakwambilira, apo ŵanthu ŵakufuma mu vyaru vinyake ŵakazizikika kupulika “vinthu vikuru vya Chiuta” mu chiyowoyero chawo.—Mil 2:7-11.

WONELERANI VIDIYO YA MUTU WAKUTI ŴANI ŴABWEZI ŴA YEHOVA—PHARAZGANI MU CHIYOWOYERO CHINYAKE, NA KUZGORA MAFUMBO GHAKULONDEZGAPO AGHA:

• Kasi mphawuli apo mungagwiliskira ntchito JW Language app?

• Kasi JW Language app yili na vichi?

• Kasi ni viyowoyero wuli ivyo ŵanthu ŵakuyowoya mu chigaŵa chinu?

• Kasi mukwenera kuchita wuli usange mwasanga munthu uyo wakukhumba kupulika uthenga wa Ufumu kweni wakuyowoya chiyowoyero chinyake?—od 100-101 ¶39-41