Kasi ni masuzgo wuli agho mukusangana nagho zuŵa lililose? Kasi ndimwe mutu wa banja ndipo mukuvuka na milimo yinandi? Kasi ndimwe mupapi uyo wakulera yekha ŵana? Kasi ndimwe muwukirano ndipo ŵanyinu ŵakumusuzgani ku sukulu? Kasi mukulwaralwara panji mukusuzgika na uchekuru? Waliyose wali na suzgo ilo wakulimbana nalo. Ŵakhristu ŵanandi ŵakulimbana na masuzgo ghanandi panyengo yimoza. Ndipouli, tikumanya kuti sonosono apa, Yehova watifwaturenge ku masuzgo ghose agha.​—2Ko 4:16-18.

Tikupembuzgika kumanya kuti Yehova wakuwona masuzgo ghithu, wakuzirwiska kugomezgeka kwithu kweniso kuti watisungira vitumbiko vinandi munthazi. (Yer 29:11, 12) Kweniso Yesu nayo wakutighanaghanira. Apo tikuyezgayezga kufiska milimo yithu Yachikhristu, Yesu wakutisimikizgira kuti ‘waŵenge nase.’ (Mt 28:20) Para tikughanaghanira umo tizamufwatukira kunthazi mu Ufumu wa Chiuta, chigomezgo chithu chikukhora kweniso tikuŵikapo mtima kuzizipizga viyezgo.​—Ro 8:19-21.

WONELERANI VIDIYO YA MUTU WAKUTI LUTILIRANI KULAŴISKA KWA YESU APO CHIMPHEPO CHIKWIZA!—VITUMBIKO VYA MUNTHAZI VYA UFUMU!, NDIPO PAMANYUMA ZGORANI MAFUMBO AGHA:

• Kasi vikenda wuli kuti ŵanthu ŵaŵe kutali na Chiuta? Ndipo ntchivichi chachitika?

• Kasi awo mbakugomezgeka kwa Yehova wakulindilira vichi munthazi?

• Kasi ntchivichi chawovwira kuti vinthu vizakaŵe makora munthazi?

• Kasi imwe mukulindilira vitumbiko wuli mu charu chiphya?