Chifukwa wuli mukwenera kuŵaphalira mwakufwatuka ŵapapi ŵinu umo mukujipulikira? (Zi 23:26) Ntchifukwa chakuti Yehova wali kuŵapa udindo wakumupwelelerani imwe na kumulongozgani. (Sa 127:3, 4) Kweni chingaŵa chakusuzga kuti ŵamovwirani makora usange mukubisa ivyo vikumusuzgani. Kweniso mungasambirako yayi ku vinthu ivyo vikaŵachitikira pa umoyo wawo ivyo vingaŵa vyakovwira kwa imwe. Kasi ntchiheni kuleka kuŵaphalirako vinthu vinyake? Viŵi yayi, chikuru mukuleka kuŵapusika.—Zi 3:32.

Kasi mungayowoya wuli ku ŵapapi ŵinu? Yezgani kuyowoya pa nyengo iyo njiwemi kwa imwe na kwa iwo. Para mukuwona kuti ntchakusuzga, mungaŵalembera waka kalata kuŵalongosolera umo mukujipulikira. Kweni wuli usange ŵakukhumba kuti mudumbiskane nkhani iyo imwe mukukhumba yayi kuti mudumbiskane? Kumbukani kuti iwo mbakukhumbisiska kuti ŵamovwirani. Manyani kuti ŵapapi ŵinu ŵakukhumba kumovwirani, mbalwani ŵinu yayi. Ivyo muyowoyenge mwakufwatuka na ŵapapi ŵinu vingamovwirani umoyo winu wose panji kuti kwamuyirayira!—Zi 4:10-12.

WONELERANI VIDIYO YA MUTU WAKUTI, UMOYO WAUCHINYAMATA—KASI NINGAYOWOYA WULI NA ŴAPAPI ŴANE? NDIPO PAMANYUMA ZGORANI MAFUMBO AGHA:

• Kasi Esther na Partik ŵakamanya vichi vyakukhwaskana na iwo?

• Kasi mungasambirako vichi kwa Yesu?

• Kasi ŵapapi ŵinu ŵalongora wuli kuti ŵakumupwelelerani?

• Kasi ni fundo wuli za mu Baibolo izo zingamovwirani kuti muyowoyenge makora na ŵapapi ŵinu?