UMOYO WACHIKHRISTU
Nozgekeranithu Wovwiri Uwo Mungazakapokera Para Mwalwara Mwamabuchi
Chifukwa wuli tikwenera kunozgekera? Ulwari ulije nyengo, munthu wangalwara mwamabuchi nyengo yiliyose. Ntheura sono ndiyo ni nyengo yakuti munganozgerathu vinthu ivyo vingamovwirani kuti muzakapokere wovwiri wakwenelera. Ipo gwiliskirani ntchito mwakukwana vinthu ivyo vilipo kuti muzakapokere wovwiri wakwenelera. Para mwachita nthena mulongorenge kuti mukuchindika umoyo kweniso dango la Yehova lakukhwaskana na ndopa.—Mil 15:28, 29.
Kasi mungachita vichi pakunozgekera?
-
Lombani ndipo mwakupwelelera lembani kadi la mazaza gha mwimiliri pa umoyo wane (DPA). a Ŵapharazgi ŵakubatizika ŵangapoka kadi ili kwa muteŵeti wa mabuku. Ŵangapoka kadi lawo kweniso la ŵana ŵawo ŵachoko
-
Para muli na nthumbo mungakumana na ŵalara kuti ŵamupani Ulongozgi wa Ŵadumbu Awo Ŵali na Nthumbo (S-401). Ulongozgi uwu ungamovwirani kuti musankhe mwamahara wovwiri wa ku chipatala pa nyengo iyo muli na nthumbo kweniso pa nyengo yakubaba
-
Para pakukhumbikwa wovwiri wakukhwaskana na ndopa panji mwamukhala ku chipatala kwakanyengo, mungamanyiskirathu ŵalara kweniso mungaŵaphalilirathu ŵachipatala kuti nyengo yinyake kwizenge Ŵakaboni ŵa Yehova
Kasi ŵalara ŵangawovwirapo wuli? Wangamovwirani kuti musayine kadi la DPA. Kweni ŵalara ŵakusankhira munthu chakuchita yayi pa nkhani ya wovwiri wa munkhwala uwo wakwenera kupokera. Munthu wakwenera kusankha yekha. (Ro 14:12; Ga 6:5) Para mwaŵamanyiska ŵalara ŵa ku mpingo winu kuti mwakumana na suzgo lakukhwaskana na ndopa, mwaluŵiro ŵalara aŵa ŵazamumanyiska ŵabali ŵa mu Komiti Yakudumbiskana na Chipatala (HLC).
Kasi ŵabali ŵa mu HLC ŵangawovwirapo wuli? Ŵabali awo ŵakuteŵetera mu HLC ŵali kusambizgika umo ŵangayowoyeskerana na ŵadokotala kweniso ŵa vya malango kuti ŵapulikiske vigomezgo vithu pa nkhani ya ndopa. Ŵangadumbiskana na ŵadokotala nthowa zinyake izo wangamovwilirani kwambura kugwiliskira ntchito ndopa. Para ntchakwenelera, ŵangamovwilirani kusanga dokotala uyo wangakolerana na ivyo mukugomezga pa nkhani ya ndopa.
WONELERANI VIDIYO YA MUTU WAKUTI, UMO TINGASANKHIRA VINTHU MWAMAHARA PA NKHANI YA KUGWILISKIRA NTCHITO NDOPA, NDIPO PAMANYUMA ZGORANI FUMBO ILI:
-
Kasi ni fundo wuli izo mwasambira mu vidiyo, izo zingamovwirani kuti munozgekerethu wovwiri uwo mungazakapokera pa nkhani ya ndopa?
a Sambiro 39 mu buku la Mungakondwa na Umoyo Kwamuyirayira! muli fundo izo zingamovwirani kuti musankhe mwamahara wovwiri wa munkhwala pa nkhani zakukhwaskana na ndopa.
