Mu nyengo yakale, Yehova wakawovwiranga Ŵaisrayeli awo ŵakaŵa ŵakavu. Kasi mazuŵa ghano wakovwira wuli ŵateŵeti ŵake awo mbakavu?

• Wakuŵasambizga kuti ŵawonenge mwakwenelera ndalama.​—Lu 12:15; 1Ti 6:6-8

• Wakuŵasambizga kuti ŵajiwonenge mwakwenelera.—Yob 34:19

• Wakuŵasambizga kuti ŵalimbikirenge ntchito na kugega nkharo ziheni.​—Zi 14:23; 20:1; 2Ko 7:1

• Wali kuŵaguzira pakati pa Ŵakhristu awo ŵakutemwana zanadi.​—Yoh 13:35; 1Yo 3:17, 18

• Waŵapa chigomezgo cha munthazi.​—Sa 9:18; Yes 65:21-23

Nanga suzgo lingaŵa likuru wuli, tikwenera kwenjerwa yayi. (Yes 30:15) Yehova watipwelelerenge mwakuthupi chikuru tikulutilira kupenja dankha Ufumu wake.​—Mt 6:31-33

WONELERANI VIDIYO YA MUTU WAKUTI CHITEMWA CHIKUMARA YAYI NANGAULI . . . TINGAŴA ŴAKAVU—CONGO, NDIPO PAMANYUMA ZGORANI MAFUMBO GHAKULONDEZGAPO AGHA:

• Kasi ŵabali awo ŵakukhala kufupi na malo ghakuchitirako ungano, ŵakulongora wuli mzimu wakupokelera ŵalendo ku ŵabali awo ŵafuma kutali?

• Kasi vidiyo iyi yikutisambizga vichi vya chitemwa cha Yehova ku awo mbakavu?

• Kasi tingamuyezga wuli Yehova nangauli nase tingaŵa kuti tili ŵakusoŵerwa?