PHARAZGANI MWALUSO | SAZGIRANIKO CHIMWEMWE CHINU MU UTEŴETI
Muŵafikenge Pamtima
Kupulikira Chiuta kukufuma mu mtima. (Zi 3:1) Ntheura para tikusambizga ŵanthu, tikwenera kuyezgayezga kuŵafika pamtima. Kasi tingachita wuli?
Msambiri kumusambizga waka unenesko wa mu Baibolo yayi, kweni movwirani kuti wapulikiskenge na kuwona umo vinthu ivyo wakusambira vikukhwaskira umoyo wake kweniso ubwezi wake na Yehova. Movwirani kuti wapulikiskenge umo fundo za mu Baibolo zikulongolera chitemwa, uwemi, na urunji wa Chiuta. Mwaluso mufumbani mafumbo agho ghangamovwira kumanya umo wakuwonera ivyo wakusambira. Movwirani kuti waghanaghanirengepo uwemi uwo wasangenge para wangasintha nkharo yake yiheni panji tumaluso tunyake uto wakuchita. Chimwemwe chinu chisazgikirenge chomene para muwonenge kuti msambiri winu wakutemwa Yehova kufumira pasi pamtima.
WONELERANI VIDIYO YA MUTU WAKUTI MUKONDWENGE PAKUZGORA ŴANTHU KUŴA ŴASAMBIRI—SAZGIRANIKO LUSO LWINU—MUŴAFIKENGE PAMTIMA, NDIPO PAMANYUMA ZGORANI MAFUMBO GHAKULONDEZGAPO AGHA:
-
Chifukwa wuli Neeta wakafumba Jade kuti: “Kasi uchali kukumbuka nthena ivyo tikasambira pa Mande?”
-
Kasi Neeta wakamovwira wuli Jade kumanya umo fundo za mu Baibolo zikulongolera kuti Yehova wakumutemwa?
-
Para ŵasambiri ŵithu tikuŵafika pamtima, ŵaŵenge na khumbo lakuŵa paubwezi na Yehova
Kasi Neeta wakamovwira wuli Jade kughanaghanira umo wangalongolera Chiuta kuti wakumutemwa?
