Malemba ghakutiphalira kuti tiwonenge Ŵakhristu awo mbalara, nga mbamama ŵithu panji adada ŵithu, kweniso Ŵakhristu ŵachinyamata, nga mbadumbu ŵithu. (Ŵerengani 1 Timote 5:1, 2.) Chomenechomene ŵabali ŵakwenera kuchita vinthu mwantchindi na ŵadumbu.

Ntchiheni kuti mubali wakopenge mudumbu panji kumupangiska kuti waleke kufwatuka para wali pafupi na iyo. (Yob 31:1) Mubali wambura kutora wangaseŵereskanga waka maghanoghano gha mudumbu yayi mwakumupangiska kuwona nga wakumukhumba kuti ŵazakatorane uku wakuchezgapo waka.

Ŵabali ŵalara ŵakwenera kughanaghanira ŵadumbu awo mwantchindi ŵafumba fumbo panji kuyowoya chithu chinyake icho chikukhumbikwira kuchitapo kanthu. Ŵalara ŵakwenera kughanaghaniraso chomenechomene ŵadumbu awo ŵalije mfumu wawo wakuti waŵavikilirenge.​—Ru 2:8, 9.

WONELERANI VIDIYO YA MUTU WAKUTI MUŴE NA CHITEMWA CHAMBURA KUMARA MU MPINGO—KU VYOKORO NA ŴANA ŴALANDA, NDIPO PAMANYUMA ZGORANI MAFUMBO GHAKULONDEZGAPO AGHA:

• Kasi mpingo ukalongora wuli chitemwa chambura kumara kwa Mudumbu Myint?

• Kasi chitemwa icho mpingo ukalongora chikachitira wuli ukaboni mu muzi wawo??

• Kasi chitemwa icho mpingo ukalongora chikamukhwaska wuli mwana msungwana wa Mudumbu Myint?

Kasi ni nthowa wuli zinyake izo mungalongolera chitemwa kweniso kuti mukuŵaghanaghanira ŵadumbu mu mpingo winu?