Ŵabali ŵakuŵikapo mtima kuti ŵanozge masachizgo gha umo tingapharazgira, ndipo ŵapharazgi ŵanandi ŵakuwona kuti masachizgo agha ngakovwira mu chigaŵa chawo. Ndipouli, pakuti vinthu vikupambana kuyana na ku malo uko tili, ŵapharazgi ŵangagwiliskira ntchito mu uteŵeti nthowa panji nkhani zakupambana izo ŵakuwona kuti zingakora ku ŵanthu ŵa mu chigaŵa chawo. Kweni pa nyengo ya upharazgi wapadera, tose tikwenera kulondezga ulongozgi uliwose uwo tapika. Chilato chithu nkhufiska mulimo wa Yesu wakupharazga makani ghawemi gha Ufumu.—Mt 24:14.

Para munthu wapika nkhani za ŵasambiri, wakwenera kulondezga masachizgo gha umo tingapharazgira agho ghali mu Kabuku ka Uteŵeti na Umoyo Wachikhristu. Pekha para pali ulongozgi unyake, ndipo msambiri wangasankha fumbo linyake, lemba, fumbo lakovwira kuzakawelerako, panji nkhani yinyake iyo wakuwona kuti yingawovwira mu chigaŵa chinu. Ulongozgi uwu wanjira m’malo mwa uwo ukaŵa mu kabuku ka maungano ka Juni 2020 pa peji 8.