Kuzengako nyumba izo zikugwira ntchito pakusopa Yehova nawo ni uteŵeti wapadera. (Ek 36:1) Kasi namwe mungawovwirapo nyengo na nyengo pa ntchito zakuzenga izo zikuchitika kufupi na kwinu mwa kusayina Fomu Yakupemphera Uteŵeti wa Vyakuzenga Panji Kunozga Mapulani (DC-50)? Panji kasi mungawovwirapo pa ntchito zakuzenga izo zikuchitika kutali na kwinu kwa masabata panji myezi mwa kusayina fomu ya Kupempha Uteŵeti Wakujipeleka Waka wa Kanyengo (A-19)? Munthu wakukhumbikwira kuŵa dankha na luso lwa vyakuzenga yayi kuti wachiteko mulimo uwu.—Ne 2:1, 4, 5.

WONELERANI VIDIYO YA MUTU WAKUTI, CHITANI VINTHU IVYO VIKULONGORA KUTI MULI NA CHIPULIKANO—WOVWIRANI PA MULIMO WA VYAKUZENGA, NDIPO PAMANYUMA ZGORANI MAFUMBO AGHA:

• Kasi Sarah wakafipanga mtima na vichi, ndipo ntchivichi chikamovwira?