Mu Seputembala tizamuŵikapo mtima chomene kuphalira ŵanthu kuti Ufumu wa Chiuta ndiwo wekha ungamazga masuzgo gha ŵanthu. (Mat 24:14) Kasi mungachita wuli kuti muzakachiteko upharazgi uwu? Mu mwezi uwu muzakaŵazgire ŵanthu ŵanandi lemba lakukhwaskana na Ufumu wa Chiuta mwakuyana na umo mungakwaniskira. Para munthu walongora kunweka, muzakamupe magazini ya Gongwe la Mulinda la Na. 2 2020. Ndipo muzakamwendere luŵiro munthu wakunweka, na kuyezga kwambiska sambiro la Baibolo mwakugwiliskira ntchito burosha la mutu wakuti, Mungakondwa na Umoyo Kwamuyirayira! Wose awo ŵazamuchita upayiniya wakanyengo mu mwezi wa Seputembala, ŵangazakasankha upayiniya wa maora 15 panji 30.

Sonosono apa Ufumu wa Chiuta uzamuteketa maboma ghose agho ghakususkana na Ufumu wa Chiuta. (Da 2:44; 1Ko 15:24, 25) Ntheura tizakaŵikepo mtima kuti tizakachiteko mwakukwana mulimo wapadera uwu, kulongora kugomezgeka kwithu kwa Yehova kweniso ku Ufumu wake.