37:1, 2

• Lekani kutimbanizgika pakuteŵetera Yehova chifukwa cha kuwona kuti ŵanthu ŵaheni vinthu vikuŵayendera makora. Mtima winu uŵe pa vitumbiko ivyo Chiuta walayizga na kuchita ivyo iyo wakukhumba

37:3

• Gomezgani kuti Yehova wamovwiraninge para mwamba kukayika panji kwenjerwa. Wamovwiraninge kuti mulutilire kugomezgeka

• Mutangwanikenge na ntchito ya kupharazga makani ghawemi gha Ufumu wa Chiuta

37:4

• Mupaturenge nyengo yakuŵazgira Mazgu gha Chiuta na kughanaghanirapo kuti mumumanye makora Yehova

37:5, 6

• Gomezgani kuti Yehova wamovwiraninge pa suzgo yiliyose

• Chitani vinthu mwamahara para ŵanthu ŵakumususkani, kumutambuzgani, panji kumunenani

37:7-9

• Kuchimbilira yayi pakuchita vinthu, chifukwa vingamupokani chimwemwe na kumupwetekani mwauzimu

37:10, 11

• Penjani kuzika, ndipo lindilirani Yehova kuti wazakafumiskepo viheni vyose ivyo mukusuzgika navyo

• Wovwirani Ŵakhristu ŵanyinu, ndipo pembuzgani awo ŵakusuzgika mu mtima kuti mu charu chiphya, icho Chiuta walayizga, vinthu vizamuŵa makora