Ŵapapi ŵakopa Chiuta wakukondwa chomene kuwona ŵana ŵawo ŵakuteŵetera Yehova mwakugomezgeka. Fundo za Baibolo zingakhazikika mu mitima ya ŵana para ŵapapi ŵakuŵasambizga kufuma pa wanichi. (Do 6:7; Zi 22:6) Nangauli kuti ivi vichitike, ŵapapi ŵakwenera kujipata. Kweni paumaliro ŵapapi ŵakuzakakondwa.—3Yo 4.

Ŵapapi ŵangasambirako vinandi kwa Yosefe na Mariya. Iwo “ŵakazgoŵera kuluta ku Yerusalemu ku chiphikiro cha Paska,” nangauli pakakhumbikwanga vinandi. (Lu 2:41) Ntchakuwonekerathu kuti ubwezi wawo na Yehova ndicho chikaŵa chinthu chakwamba mu banja lawo. Mwakuyana waka, ŵapapi mazuŵa ghano nawo ŵangalongozga ŵana ŵawo mwakuŵasambizga kwizira mu ivyo ŵakuchita.—Sa 127:3-5.

WONELERANI VIDIYO YAKUTI ŴAKAŴIKAPO MTIMA KUSAMBIZGA ŴANA ŴAWO, NA KUDUMBISKANA MAFUMBO AGHA:

• Kasi Jon na Sharon Schiller ŵakalongora wuli kuti ŵakudangizga vya Ufumu apo ŵakaleranga ŵana ŵawo?

• Chifukwa wuli ŵapapi ŵakwenera kusambizga, kulongozga na kulanga ŵana ŵawo munthowa zakupambana?

• Kasi ŵapapi ŵangawovwira wuli ŵana ŵawo kuti ŵatondenge viyezgo?

• Kasi ni vinthu wuli ivyo gulu la Yehova lapeleka ivyo imwe mwagwiliskirapo ntchito kovwira ŵana ŵinu kuŵa paubwezi na Yehova?