Tingasambirako ku Vinthu Ivyo Vikaŵa na “Ng’anamuro Linyake”
Mpositole Paulosi wakagwiliskira ntchito vinthu ivyo vikaŵa na “ng’anamuro linyake” kuti walongosore vya phangano liphya kuti likaŵa liwemi chomene kuluska Dango ilo likapelekeka ku Ŵaisrayeli kwizira mwa Mozesi. Pakuti Khristu na awo wamuwusa nawo kuchanya ŵazamulongozga mwachitemwa, ŵanthu ŵamitundu yose ŵazamufwatuka ku kwananga, ŵazamuŵa ŵakufikapo, ŵazamuŵavya chitima kweniso ŵazamufwa yayi.—Yes 25:8, 9.
HAGARA MUZGA MWANAKAZI Israyeli wakuthupi uyo wakaŵa pasi pa Dango la Mozesi. Israyeli uyu msumba wake ukaŵa Yerusalemu |
SARA MWANAKAZI MWANANGWA Yerusalemu wakuchanya, chigaŵa cha kuchanya cha gulu la Chiuta |
“ŴANA” ŴA HAGARA Ŵayuda (awo ŵakalayizga kuti ŵapulikirenge Dango la Mozesi) awo ŵakamukana Yesu na kumutambuzga |
“ŴANA” ŴA SARA Khristu na ŵa 144,000 awo Mbakhristu ŵakuphakazgika |
WUZGA WA PHANGANO LA DANGO Dango likakumbuskanga Ŵaisrayeli kuti iwo ŵakaŵa ŵazga ŵakwananga |
DANGO LIPHYA LIKUPELEKA WANANGWA Chifukwa chakuti Ŵaisrayeli ŵakatondeka kupulikira Dango mwakukwana, vikalongora kuti ŵakaŵa ŵakwananga. Kweni sembe ya Yesu yikaŵawovwira kuti ŵafwatuke ku kwananga |