Chifukwa wuli tikwenera kusankha mwamahara vyakusanguluska? Chifukwa ntchakuti para tasankha filimu yakuti tiwonelere, sumu yakuti titegherezge, webusayiti iyo tikukhumba kuti tijure, buku lakuti tiŵerenge, panji magemu ghakuti tiseŵere, ndikuti ndivyo tiŵikenge mu maghanoghano ghithu. Ivyo tikusankha vikukhwaskaso nkharo yithu. Chachitima ntchakuti, vyakusanguluska vinandi mazuŵa ghano mukuŵa vinthu viheni ivyo Yehova wakutinkha. (Sa 11:5; Ga 5:19-21) Lekani Baibolo likutichiska kuti tilutilire kughanaghanira vinthu ivyo vingakondweska Yehova.—Fil 4:8.

WONELERANI VIDIYO YA MUTU WAKUTI KASI NINGASANKHA VYAKUSANGULUSKA WULI? NDIPO PAMANYUMA ZGORANI MAFUMBO GHAKULONDEZGAPO AGHA:

• Kasi maseŵero gha mbembe agho ghakachitikanga ku Romu, ghakuyana wuli na vyakusanguluska vinyake mazuŵa ghano?

• Kasi ŵabali na ŵadumbu mu mpingo ŵangawovwira wuli ŵachinyamata kuti ŵasankhenge makora vyakusanguluska?

• Kasi lemba la Ŵaroma 12:9 lingatovwira wuli pakusankha vyakusanguluska?

• Kasi ni maseŵera wuli ghawemi agho ghakuchitika mu chigaŵa chinu?