PHARAZGANI MWALUSO
Ivyo Vingatovwira Kuti Tiŵe Ŵaluso mu Uteŵeti
CHIFUKWA WULI NKHWAKUZIRWA? Nangauli mu kabuku aka mukuŵa masachizgo ghakovwira gha umo mungapharazgira, kweni kulondezga waka ndendende ivyo vyalembeka yayi. Masachizgo agha ngakuti ghamovwirani waka umo munganozgekelera. Mungapharazgira munthu munthowa yinyake, panji mungawona kuti nkhani yinyake ndiyo munthu wanganweka nayo chomene. Para vili nthena, usange mwaŵazga magazini, wonani masachizgo gha umo mungapharazgira, na kuwonelera vidiyo ya umo mungapharazgira. Londezgani masachizgo agho ghali pasi apa kuti ghamovwirani umo imwe mungakapharazgira.
UMO MUNGACHITIRA:
Jifumbani kuti, ‘Kasi nkhukhumba kuti pakupharazga nkhalondezge masachizgo gha mu kabuku aka?’
ENYA
-
Nozgekerani mazgu ghakwamba. Para mwamutawuzga, yowoyani chifukwa icho mwizira. (Mwachiyelezgero mungayowoya kuti: “Niza pano chifukwa . . . ”)
-
Nozgekerani umo mwamufumbira fumbo, mwamuyowoyera lemba, kweniso umo mwamugaŵilira magazini. (Mwachiyelezgero: Pakuzunura lemba, mungayowoya kuti, “Zgoro la fumbo ili, likusangika pa lemba ili.”)
YAYI
-
Sankhani nkhani iyo yamukondweskani mu magazini kweniso iyo ŵanthu ŵangakanweka nayo mu chigaŵa chinu
-
Nozgekerani mafumbo agho ghangawovwira munthu kuti waghanaghanirengepo kweniso kuti mudumbiskane. Kweni lekani kufumba mafumbo ghanonono. (Mwachiyelezgero: Mungafumba mafumbo agho ghali pa peji 2 mu magazini.)
-
Sankhani lemba ilo mwamuŵerenga. (Para mugaŵirenge Wukani! mungaŵerenga lemba panji yayi, chifukwa magazini iyi yikulembekera ŵanthu awo Baibolo ŵakulimanya makora yayi kweniso ŵangaŵa kuti vyachisopa vikwendamo viŵi yayi.)
-
Nozgekerani mazgu ghachoko waka kuti mulongosore uwemi wakuŵerenga nkhani iyo mwadumbiskananga
PA IVYO MWASANKHA CHITANISO IVI
-
Nozgekerani fumbo lakuti muzakazgore para mwizaso
-
Lembani ivyo mwamuyowoya kuti muleke kuluwa
