Burosha la Mbanjani Ŵakuchita Khumbo la Yehova Mazuŵa Ghano? lili kupangika kuti tisambirenge na ŵasambiri ŵithu pambere tindambe panji para tamara waka kusambira buku ilo tikusambira nawo. * Sambiro 1 m’paka 4 ghakovwira msambiri kuti watimanye makora. Ndipo sambiro 5 m’paka 14 ghakuŵawovwira kumanya ivyo tikuchita, ndipo sambiro 15 m’paka 28 ghakovwira msambiri kumanya makora gulu lithu. Kanandi chikuŵa makora kuti musambirenge burosha ili mwandondomeko yake pekha usange msambiri winu wasankha sambiro linyake. Sambiro lililose lili na peji limoza ndipo mungasambira kwa maminiti ghambura kujumpha 10.

• Mufumbani fumbo ilo ni mutu wa sambiro

• Ŵazgirani lumoza sambiro lose panji mungaŵazga ndime yiliyose payekha

• Dumbiskanani fundo izo mwaŵazga. Fumbani mafumbo agho ghali musi mwa sambiro lililose na kulongosoraso vithuzi. Mungasankha kuŵazga na kudumbiskana malemba ghanyake. Wovwirani msambiri winu kumanya kuti tumitu tuchokotuchoko ndito ni mazgoro gha fumbo ilo lili pachanya

• Usange pali bokosi la “Manyani Vinandi,” ŵazgirani lumoza na kumuchiska msambiri winu kulondezga masachizgo agho ghali pa bokosi ili